"Челси" юлдузи жорий мавсумда антиқа натижа қайд этди

Лондоннинг “Челси” клуби ярим ҳимоячиси Коул Палмер жорий Англия Премьер-лигаси мавсумида ўзига хос статистикалар қайд этди.

 Squawka нашрининг хабар қилишича, Палмер АПЛда 50 дан ортиқ голли вазият яратди, унга рақиблар томонидан 50 марттадан кўп қўполлик ишлатилди  ва Коул 50 дан ортиқ муваффақиятли дриблинг амалга оширди. 

Манбага кўра, Палмер – АПЛнинг ушбу мавсумида бундай натижаларга эришган ягона футболчи ҳисобланади.

Палмер жорий мавсумда Премьер-лигада 15 та гол урди ва 8 та голли узатма амалга оширди. Унинг “Челси” билан тузган шартномаси 2033 йилнинг 30-июнига қадар мўлжалланган.

36-тур якунларига кўра, “Челси” 63 очко билан мусобақа жадвалида бешинчи ўринда бормоқда. Лондонликлар 28 май куни “Бетис”га қарши Конференциялар Лигаси финалида майдонга тушишади.