“Челси”дан кетадиганлар сони 12 тага етди

“Челси” келаси мавсумга пухта тайёргарлик кўриш мақсадида таркибда жиддий ўзгаришлар қилади.

Маълумотларга қараганда, бош мураббийликка тайинланган Маурисио Почеттино клуб раҳбарияти билан амалга ошириладиган ишларни келишиб олган.

Аргентиналик мутахассис таркибни ўзи қайта шакллантиради. Бир неча футболчиларниг машҳурлигига қарамасдан, улардан воз кечилади.

Биринчилардан кетадиганлар орасида Пьер-Эмерик Обамеянг бор. Бу ҳужумчига харидор топилмаган тақдирда, маошлар фонидини қисқартириш учун шартнома бекор қилинади.

Шунингдек, Почеттино дарвозабон танловида Капе Аррисабалага фойдасига қарор чиқарди ва Эдуар Менди сотиб юбориладиган бўлди.

Матбуотнинг ёзишича, “Челси”ни тарк этиши керак бўлган футболчилар сони 12 нафарга етган. Почеттино уларнинг ўрнига ўзи қўллайдиган ўйин услубига мос ижрочиларни олиб келишни режалаштирмоқда.