“Chelsi”ga zo‘r darvozabon kelmoqda. Kepa o‘rnini bo‘shatishi kerak

Dunyoning eng qimmat darvozaboni Kepa Arrisabalaga ishonchni oqlay olmagani tufayli “Chelsi” yangi golkiper qidirayotgan edi.

Ma’lumotlarga qaraganda, londonliklar “Trabzonspor” darvozaboni Ugurjon Chaqir transferi bo‘yicha turklar bilan kelishib bo‘lgan. Roman Abramovich klubi 24 yoshli posbon uchun 29,5 million funt to‘laydi.

Ayni paytda tomonlar Chaqirning shaxsiy shartnomasi bo‘yicha muzokara olib bormoqda va bu borada bir to‘xtamga kelinishi bilan uning transferi e’lon qilinadi.