“Челси”нинг икки футболчиси Франциянинг бир жамоасидан жой топди
“Челси” таянч ярим ҳимоячи Дариу Эссугу ва ҳужумкор футболчи Дейвин Вашингтонни Франциянинг “Страсбур” клубига юборди.
Эссугу ўтган ёзда “Спортинг”дан 18,5 миллион фунт эвазига ўтганидан сўнг “Челси” сафида атиги бешта учрашувда майдонга тушди.
Эссугу ўз ривожланишини “Страсбур”да давом эттиради. Клуб 21 ёшли португалиялик футболчини 2026/27 йилги мавсум охиригача ижарага олди.
Вашингтон эса “Челси” билан биродар клуб ҳисобланган “Страсбур”га доимий трансфер асосида қўшилди ва 2031 йилгача мўлжалланган шартнома имзолади.
2023 йил август ойида Вашингтон “Челси”га 17,2 миллион фунтга тушган эди. Аммо шундан бери 21 ёшли бразилиялик футболчи “Стэмфорд Бридж” клуби сафида атиги учта расмий учрашувда кўринди холос.
Фикрлар