Чемпион бўлган "Ливерпуль"нинг олтита футболчиси медалсиз қолиши мумкин

Англиянинг "Ливерпуль" клуби ўзининг 20-чемпионлик унвонини қўлга киритганига қарамай, бир қатор футболчилари олтин медалларсиз қолиши мумкин. Бу ҳақда "Planet Football" нашри хабар бермоқда.

Мусобақа регламентига кўра, футболчилар олтин медал олишлари учун камида 5 та чемпионат ўйинида майдонга тушган бўлишлари керак. Мавсум якунлангач, "Ливерпуль" жами 40 та медални олади ва улар футболчилар ҳамда клуб ходимлари ўртасида тақсимланади. Регламент талаблари асосида медал олишга лойиқ бўлмаган футболчиларга мукофот бериш ҳақидаги якуний қарор клуб ихтиёрида бўлади.

Чемпионат доирасида етарлича майдонга тушмаган футболчилар қаторига қуйидагилар киради: Федерико Киеза (4 та ўйин), Витеслав Ярош (1 та ўйин), Жейден Даннс (1 та ўйин), шунингдек, Тайлер Мортон, Жеймс Макконелл ва Трей Нёний.