Чемпион жамоа 18 ёшли вундеркиндни олганини эълон қилди

Англиянинг амалдаги чемпиони “Ливерпуль” расмий сайти орқали 18 ёшли марказий ҳимоячи Мор Талла Ндиайе билан шартнома имзолаганини маълум қилди.

Шу ой бошида 18 ёшга тўлган сенегаллик ҳимоячи ўз ватанидаги “Амети” клубидан мерсисайдликлар ёшлар жамоасига кўчиб ўтди.

- Ндиайе ноябрь ойида 17 ёшгача бўлган ўсмирлар ўртасидаги жаҳон чемпионатида Сенегал терма жамоаси шарафини ҳимоя қилди.

У тўртта ўйинда қатнашиб, плей-оффга чиқди. Шунингдек, иқтидорли ўйинчи Сенегал U-18 терма жамоасида ҳам тўп суради, - дейилади "Ливерпуль" расмий  баёнотида.

“Ливерпуль” жорий мавсум кутилган даражада ўйнай олмаяпти. 21-турдан сўнг Арне Слот жамоаси 35 очко тўплаб, АПЛ жадвалида тўртинчи ўринда бормоқда.