Чемпион жамоа Гвардиола топган юлдузни илиб кетмоқчи
“Манчестер Сити” бош мураббийи Хосеп Гвардиола ёзги трансферлар даврида бир неча катта харидларни амалга оширишни кўзламоқда.
Испаниялик мутахассис кўзлаган ўйинчилардан бири Франция чемпионатида барқарор ўйнаб келаётган Райан Шерки ҳисобланади.
“Лион” юлдузига янги чемпион – “Ливерпуль” бош мураббийи Арне Слот ҳам эътибор қаратди.
The Athletic нашрининг ёзишича, Арне Слот шахсан ўзи Францияга бориб, 21 ёшли футболчи билан суҳбатлашиб келган. Шунга қарамай, экспертлар Шерки ливерпулликлар учун асосий нишон эмаслигини таъкидламоқда.
Чунки “Ливерпуль” ҳужумкор футболчи ва плеймейкерлик позициясига Флориан Вирцни мўлжаллаган.
“Манчестер Сити” Кевин де Брюйне ўрнига Флориан Вирцни олиб келолмаганидан кейин Гвардиола захира варианти сифатида Райан Шеркига оғиз сола бошлаган эди.
Фикрлар