ФИФА: Нимчорак финални Ўзбекистон бошлаб беради! (1/8 финаллар рўйхати)

Қатар мезбонлик қилаётган 17 ёшгча футболчилар ўртасидаги жаҳон чемпионати қизғин паллага кирди. Гуруҳ босқичидан муваффақиятли ўтган 32 та терма жамоа плеф-оффнинг дастлабки учрашувини ўтказди.

1/16 финалда ғолиб чиққан терма жамоалар бош соврин учун курашни давом эттиради. Қувонарли томони, улар орасида Осиёнинг амалдаги чемпиони Ўзбекистон U-17 терма жамоаси ҳам бор.

Ислом Исмоилов шогирдлари мураккаб ўтган ўйинда Европанинг энг кучли жамоаларидан ҳисобланган Хорватияни мусобақадан чиқариб юборди. Учрашувнинг асосий вақти 1:1 ҳисобида дуранг билан якунланди. Пенальтилар сериясида ўзбекистонлик ёш футболчилар маҳорат кўрсатди – 4:3.

Жаҳон чемпионати ташкилотчиси бўлган  Халқаро футбол ассоциациялари уюшмаси – ФИФА расмий сайти орқали нимчорак финаллар ҳақида якуний маълумотларни берди.

17 ёшгача футболчилар ўртасида жаҳон чемпионатида сараланган 16 та терма жамоа бош соврин учун курашни даом эттиради. Плей-оффнинг биринчи босқичи бир неча ажойиб ўйинларни тақим этди. Олдинда эса, бизларни янада қизғин учрашувлар кутиб турибди.

Қуйида 1/8 финал жуфтликлари билан танишиб олишингиз мумкин. Барча учрашувлар 18 ноябрь куни бўлиб ўтади, - деб ёзди ФИФА ташкилоти матбуот хизмати fifa.com сайтида.

Нимчорак финал ўйинларини икки қитъа – Европа ҳамда Осиё чемпионлари – Италия ва Ўзбекистон терма жамоалари бошлаб беради. Бу учрашув 18 ноябрь куни Тошкент вақти билан 17:30 да бошланади.

1/8 финалнинг барча жуфтликлари билан танишинг:

Италия – Ўзбекистон , 17:30, Майдон 8 (Маҳмуд Суфи)

Уганда – Буркина-Фасо , 17:30, Майдон 5 (Холид Баллан)

Мексика – Португалия , 18:00, Майдон 3 (Бадр Билол)

Бразилия – Франция , 18:30, Майдон 2 (Иброҳим Халфан)

Швейцария – Ирландия , 19:45, Майдон (Муҳаммад Ғаним)

Корея  Демократк Республикаси — Япония , 20:15, Майдон 4 (Холид Салмон)

Австрия — Англия , 20:45, Майдон 9 (Одил Маллала)

Марокаш — Мали , 20:45, Майдон 7 (Мансур Муфтах).

Бўлажак учрашувда Ўзбекистон U-17 терма жамоасига муваффақият тилаймиз. Зеро, терма жамоамиз футболчилари ҳам Қатар майдонидан бош соврин билан қайтишни мақсад қилган.

Рустамжонов қаҳрамон! Ўзбекистоннинг қийин ғалабаси қандай баҳоланди?