Чемпионлар Лигаси ғолиблиги учун фаворитлар эълон қилинди

Чемпионлар лигаси умумий босқичига қуръа ташлаш маросими куни нуфузли Goal портали мутахассислари турнир фаворитлари рейтингини эълон қилди. Ушбу рейтингнинг энг юқори поғонасидан Чемпионлар Лигасининг амалдаги ғолиби ПСЖ жой олди.

Иккинчи поғонадан "Барселона" жой олган бўлса, учликни "Арсенал" якунлаб берган. Шу билан бирга эслатиб ўтамиз, "канонирлар" ҳали ҳеч қачон Чемпионлар Лигасида ғалаба қозонмаган.

Кейинги ўринларда "Ливерпуль", "Реал", "Бавария", "Челси", "Манчестер Сити", "Интер" ва "Тоттенхэм" клублари жой олган.

ЕЧЛга ўз тарихида биринчи мартта чиққан "Қайрат" чемпионликка даъвогарлар қаторида 35-ўринда турибди.