Чемпионлар лигасига 10 июль куни қуръа ташланади

10 июль куни УЕФАнинг штаб-квартираси жойлашган Ньон шаҳрида Чемпионлар лигасига қуръа ташланади.

Қуръа ташлаш жараёнида ЕЧЛнинг чорак ва ярим финал жуфтликлари аниқланади. Айтиш керакки, ушбу икки босқичнинг барча учрашувлари Португалияда ўтказилади. Қуръа Тошкент вақти билан соат 15:00 да бошланади.

Эслатиб ўтамиз, ҳозирча чорак финал йўлланмасини "Атлетико" (Испания), "Аталанта" (Италия), ПСЖ (Франция) ва "РБ Лейпциг" (Германия) клублари нақд қилишган. "Барселона" - "Наполи" (биринчи ўйин - 1:1), "Бавария" - "Челси" (биринчи ўйин 3:0), "Ювентус" - "Лион" (биринчи ўйин 0:1) ва "Манчестер Сити" - "Реал" (биринчи ўйин 2:1) жуфтликларида эса жавоб беллашувлари бор.