Хабарингиз бор жорий ҳафта Чемпионлар лигасида 1/8 финалнинг жавоб баҳслари бўлиб ўтди. УЕФА расмий сайти эса мусобақанинг жорий ҳафтадаги энг яхши футболчиси бўлишга номзодлар рўйхатини эълон қилди.

Унга кўра Марсель Забитцер ("РБ Лейпциг"), Йосип Иличич ("Аталанта"), Ян Облак ("Атлетико") ва Хуан Бернат (ПСЖ) ушбу соврин учун кураш олиб боради.

Забитцер "Тоттенхэм"га қарши ўйинда дубль қайд этди. Иличич эса "Валенсия" дарвозасини 4 марта ишғол қилди. Облак "Энфилд"да бўлиб ўтган "Ливерпуль"га қарши ўйинда рақибларнинг 11 та зарбасини қайтаришга эришди. Бернат эса"Боруссия" Дортмунд дарвозасига гол урди ва ПСЖнинг кейинги босқичга чиқишига ёрдам берди.