Чемпионлик учун курашаётган жамоа МЮдан ўйинчи сўради

Жорий мавсумда Бундеслигада чемпионлик учун курашишни мақсад қилган “Байер” таркибини “Манчестер Юнайтед” ҳимоячиси Брендон Уильямс билан кучайтирмоқчи.

Леверкузенликлар жорий мавсумда Англия премьер-лигасида атиги битта учрашувда майдонга тушган 20 ёшли футболини ижарага олмоқчи. Улар бу борада манчестерликлар билан музокарани бошлаган.

“Манчестер Юнайтед” асосий таркибга кира олмаётган футболчини сотиб олиш ҳуқуқисиз ижарага жўнатишга тайёр. Брендонга “Байер”дан ташқари “Лидс” ва “Саутгемптон” ҳам оғиз солмоқда.