Чемпионлик йўлида жиддий кураш: "Атлетико" - "Реал Сосьедад". Матнли трансляция

Ассалому алайкум, қадрли футбол ихлосмандлари! Испания Ла Лигаси 36-туридан ўрин олган "Атлетико" - "Реал Сосьедад" ўйинига хуш келибсиз. Учрашувни сайтимиз орқали матнли кўринишда кузатиб боришингиз мумкин.

• 90+3'
  

  Учрашув якунланди! "Атлетико" ишончли ғалабани қўлга киритди. Эътиборингиз учун раҳмат!

• 90+'
  

  Учрашувга 3 дақиқа вақт қўшиб берилди.

• 88'

  "Реал Сосьедад" айни дақиқаларда тўп билан кўпроқ муомала қилмоқда.

• 85'

  Тўп назорати рақамларда: 36-64!

• 84'
  

  ГОООООООООООООООООООООООЛЛЛ!!! Бурчакдан узатилган тўпни қабул қилиб олган Субелдиа бу сафар Облакни ожиз қолдирди! 2-1! Камбек кўрамизми?

• 83'
  

  "Реал Сосьедад" бурчакдан тўпни ўйинга киритиб беради.

• 81'
  

  "Атлетико"да ўзгариш: Луис Суарез ўрнига Ренан Лоди ўйинга қўшилди.

• 80'

  Портунинг зарбаси устунга тегиб қайтди!

• 78'

  Луис Суарез жарима майдончаси ичида ажойиб узатмани қабул қилиб олди, бироқ унинг зарбасига бирозгина аниқлик етишмади. Тўп устуннинг ёнгинасидан ўтиб кетди.

• 73'
  

  Диего Симеоне ҳам ўзгаришларни ишга солади: Анхель Корреа ўрнига Жоау Фелиш ўйинга қўшилди, Сауль ўрнига эса Жоффрей Кондогбия.

• 69'
  

  "Реал Сосьедад"да яна 2 ўзгариш амалга оширилди: Элустондо ва Оярсабаль ўрнига Субельдиа ҳамда Меркеланс ўйинга қўшилди.

• 69'
  

  Бу сафар бурчак тўпидан самара чиқмади.

• 68'
  

  Бурчакдан узатилган тўпни меҳмонлар аъзоси Порту боши билан дарвозага йўллади, Облак эса яна бир бор суперсейви билан жамоасини сақлаб қолди.

• 67'
  

  Навбатдаги бурчак тўпи. Оярсабаль тўп олдида.

• 66'

  Пачеконинг жарима майдончаси ичига узатмасини ҳимоячилар узоқлаштирди. Позицион ҳужум давом этади.

• 64'

  Хон Пачеко тўпни боши билан дарвозага йўллади, бироқ ноаник.

• 63'
  

  Бурчак тўпи. Оярсабаль уни ижро этишга тайёр.

• 60'

  Каррасконинг зарбасидан сўнг тўп чап устуннинг ёнгинасидан ўтиб кетди.

• 59'
  

  "Реал Сосьедад"да 2 ўзгариш: Саньян ва Начо Монреальнинг ўрнига Пачеко ҳамда Лопес ўйиинга қўшилди.

• 56'

  Тўп "Атлетико"да. Бу сафар улар рақибининг хатосини пойлашяпти.

• 54'
  

  "Реал Сосьедад" бурчак тўпини ижро этди, бироқ ҳимоячилар тўпни узоқлаштира олишди.

• 51'
  

  Оярсабаль бурчак тўпидан унумли фойдалана олмади.

• 49'

  "Реал Сосьедад" ажойиб жамоавий ўйин намойиш этмоқда. Бироқ бу ҳисобга таъсир кўрсатаётгани йўқ.

• 47'
  

  "Реал Сосьедад" таймни ўзгариш билан бошлади: Александр Исак ўрнига Андер Гевара ўйинни давом эттиради.

• 46'
  

  Иккинчи бўлим бошланди!

• 45+1'
  

  1-бўлим якунланди. Танаффус.

• 45+'
  

  1 дақиқа вақт қўшиб берилди.

• 43'

  Умумий зарбалар статистикаси: 8-4!

• 40'

  "Реал Сосьедад" аъзолари бир-бирига тўпни ажойиб тарзда етказиб беришмоқда. Узатмалар анча аниқ.

• 38'
  

  "Реал Сосьедад" бурчак тўпидан сўнг хавфли вазият ярата олмади. Позицион ҳужум давом этади.

• 37'
  

  Облак жамоасини яна бир бор голдан сақлаб қолди! Александр Исакни зарбаси бартараф этилди. Бурчак тўпи.

• 33'

  Оярсабаль ўз жарима майдончаси яқинида қўли билан тўпни ўйнади, жарима зарбаси белгиланди.

• 32'
  

  Меҳмонлар аъзоси Александр Исак зарба позициясидан туриб Облак дарвозасига кучли ва аниқ тарзда тўпни йўллади, словениялик посбон эса фантастик реакциясини намойиш этди!

• 28'
  

  ГООООООООООООООООООЛЛЛ!!! Анхель Корреа қарши ҳужумдан сўнг тўпни ичкарида қабул қилиб олди ва дарвозанинг пастги бурчагига аниқ зарбаси билан уни жойлаб қўйди! 2-0! "Атлетико" ўз услубида!

• 26'

  "Атлетико" ўз услубида ўйин кўрсатмоқда. Қарши ҳужумлар жойида, ҳимоя эса доимгидек мустаҳкам.

• 23'

  Тўп назорати рақамларда: 34 - 66!

• 21'

  Узоқ давом этган позицион ҳужум Оярсабальнинг зарбаси билан якунланди, тўп дарвозанинг юқорисидан ўтиб кетди.

• 18'

  "Сосьедад" аъзосининг жарима майдончаси ичига узатмасини Ян Облак қўли билан ушлаб олди.

• 16'
  

  ГОООООООООООООООООООООЛЛЛЛ!!! Льорентенинг узатмасини Карраско дарвозага аниқ тарзда жойлаб қўйди ва ҳисобни очди. 1-0! "Атлетико" жиддий юриш бошлади.

• 15'
  

  Янник Карраско жарима майдончаси ичидаги шерикларига тўпни етказмоқчи эди, бироқ ҳимоячилар тўпни аутга чиқариб юборди. Бурчак тўпи.

• 14'

  "Реал Сосьедад" тўпни назорат қилмоқда, майда паслар сони кўп, рақиб хатоси кутиляпти.

• 11'

  Льорентенинг кросси рақиб томонидан эгаллаб олинди.

• 10'
  

  Маркос Льоренте жарима майдончаси ичида тўпни қабул қилиб олди ва пастги чап бурчакка зарба йўллади, дарвозабон Ремиро эса ажойиб сейви билан жамоасини голдан қутқариб қолди.

• 9'

  Суарезнинг жаримадан берган зарбаси бироз ноаниқ. Дарвозабон тўпни ўйинга киритади.

• 9'

  Микель Оярсабаль хавфли ўйнади, "Атлетико"да гол уриш учун ажойиб имконият бор. Жарима зарбаси.

• 7'

  Тўп назорати меҳмонларда.

• 6'

  Луис Суарезда гол уриш учун ажойиб имконият юзага келганди, бироқ унинг зарбасидан сўнг тўп дарвоза устунидан баландроқ ўтиб кетди.

• 5'

  Маркос Льоренте гандбол ўйнагандаги сингари тўпни қўли билан ўйнади. Жарима зарбаси.

• 3'

  "Реал Сосьедад" тўпни назорат қилмоқда. Жамоа аъзолари бир-бирига қисқа паслар амалга ошириш билан банд.

• 1'
  

  Учрашув бошланди!