Чемпионни Самарқандда жиддий, вице-чемпионни Тошкентда осон ўйин кутмоқда?!

Бугун Суперлигада 12-тур ўйинлари старт олади. Кун доирасидан иккита учрашуви ўрин олган. Амалдаги чемпион кўҳна ва навқироқ Самарқандга боради. Вице-чемпион ўз майдонида навоийликларни қабул қилади.

“Локомотив”ни Самарқандда кутаётган жиддий синов

Ҳар доим “Локомотив” ёмон старт олади. Аммо мавсум ўрталарида ўзига қайтади ва чемпионлик учун курашади. Бу гал ҳам “темирйўлчилар” ўз анъаналарига “содиқ” қолишди.

Суперлигани “Пахтакор”га қарши учрашувда мағлубият билан бошлаган Андрей Фёдоров шогирдлари ҳозир анча ўзларига келиб қолишди. Темурхўжа Абдухолиқов тўпурарлик салоҳиятини намойиш этмоқда. Жамоанинг комбинациялари ҳам аввалгидек чиқмоқда. “Локо” пешқадам “шерлар”ни таъқиб этишда давом этмоқда. Улар орасидаги фарқ 5 очкони ташкил қилади.

“Динамо” жамоаси ушбу мавсум Суперлигада ўз майдонида бирорта учрашувда мағлуб бўлмади – 3 ғалаба ва 3 дуранг. “Динамо” ўтган мавсумни Про лигада ўтказганди. 2017 йилда эса олий лигада ўйнаган. Ўша йили “Динамо” 29-турда “Локомотив”га 1:5 ҳисобида имкониятни бой берган ва ушбу мағлубият самарқандликларнинг Ўзбекистоннинг энг юқори лигасида ўз майдонидаги сўнгги мағлубиятидир. Ушбу ғалабадан кейин “Локомотив” 2017 йилги Ўзбекистон чемпионига айланганди.

Мана шу омиллар сабаб ушбу беллашув кескин курашлар остида ўтишини таъминлашига ишониб қоламиз. “Динамо” бу мавсум ўз майдонида давом эътаётган анъанасини, “Локомотив” эса чемпионлик курашида “Пахтакор” билар орадаги фарқни янада йириклашишига осонликча рози бўлмайди. Бу эса бизни олдинда жиддий қарама-қаршилик кутаётганини англатади.

Имконият: 45% - 55%

“Пахтакор”ни осон ўйин кутмоқда?!

Бу мавсум нияти анча жиддий “Пахтакор” ОЧЛда гуруҳдан чиқа олмади. Энди эътибори ички мусобақаларга қаратилган. Лекин “шерлар” Суперлигада бироз қийинчиликларга дуч келмоқда. Қийин ўйинлар ўтказди. Лекин жамоа ғалаба қозонишни уддалади.

Бу турда Шота Арвеладзе шогирдлари учун нисбатан осон рақиб дуч келди. “Қизилқум” клуби Тошкентда етакчига қанда қаршилик кўрсатишини очиғи, айтиш жуда мушкул. Чунки мезбонлар ўз уйларида умуман бошқача ўйин намойиш этишади. Ҳозирча “Пахтакор” майдонида фақатгина “Навбаҳор” дуранг қайд этди холос. “Қизилқум”ни бу борадаги имконияти анча паст. Шу боис мазкур баҳсда мезбонларнинг ғалаба қозонишлари ҳақиқатга яқин.

Имконият: 60% - 40%