"City Football Group" "Мумбаи Сити"даги улушини сотди

"Манчестер Сити", "Жирона", "Нью-Йорк Сити", "Мельбурн Сити" ва бошқа бир қатор клубларга эгалик қилувчи "City Football Group" "Мумбаи Сити" клубидаги улушини сотганини расман эълон қилди.

Гуруҳ баёнотида айтилишича, ушбу қарор "батафсил тижорат таҳлилидан сўнг шунингдек, Ҳиндистон Суперлигасининг келажаги атрофида сақланиб қолаётган ноаниқликлар" сабаб қабул қилинган.

Маълумот учун, "City Football Group" 2019 йилда Ҳиндистон клубининг назорат пакетини сотиб олган эди.