ДАҲШАТ! Илия Топурия ва испаниялик маҳшур қўшиқчи барда мушташиб кетишди. Бу ҳақиқий муштлашувми ёки навбатдаги эл оғзига тушиш учун сценарий асосидаги хайп?! (ВИДЕО)

UFC'нинг ярим енгил вазн жангчиси Илия Топурия (13-0) кеча Испаниянинг қайсидир барида испаниялик поп-қўшиқчи Омар Монтесни ўз зарбалари билан сийлади. Бунга Монтеснинг Илия ўйин консолига келиб жангчига ҳалақит беришга ҳаракати сабаб бўлган. Хўш, бу ҳолат ҳақиқатдан ҳам келишмовчилик натижасида юзага келган кўнгилсизликми ёки шунчаки навбатдаги пиар компания маҳсулими?! Sports.uz сайти бу воқеалик бўйича ўз шахсий суриштирувини олиб борди.

Йил бошланиши биланоқ, яккакураш олами вакиллари томонидан турли хил ишкаллар бўлиб турмоқда. Дана Уайтнинг ўз хотинига шапалоқ тортиши, Фил Барони исмли собиқ ММА жангчисининг ўз аёлининг ўлдириши гумони билан қамоққа олиниши ортидан Илия Топуриянинг ҳам Аликанте шаҳридаги барлардан бирида ишкал топиши мухлислар резонансига сабаб бўлмоқда. Илия Грузияда туғилган бўлишига қарамасдан, умрининг катта қисмини Испания қироллигида ўтказмоқда. Оиласи шу ерда, ўзи ҳам ММА'га илк қадамларини испан диёридан бошлаб қўя бошлади. Испан тилида ҳам равон гапирадиган ушбу азамат Аликанте шаҳрида машғулотларини ўтказади ва бир қатор маҳаллий инсонлар билан яхши таниш. Шунингдек, у ушбу кўнгилсиз ҳолатда уни муштига гирифтор бўлган қўшиқчи - Омар Монтес билан ҳам анчагина қалин дўст.

Версиялардан бирига кўра, бу ўзига хос пиар харакат бўлиб, Монтес янги чиқаётган альбом кўпроқ мухлислар томонидан кутиб олиниши ва ўзига хос шов-шувга эришиши сабабли шу иш қилинган бўлиши мумкин деган тахминлар ҳам йўқ эмас. Сабаби, айнан шу воқеадан бир неча соат олдин Топурия ва Монтес биргаликда Climent Club биргаликда машғулот ўтказаётган сторисни Омар ўз Instagram тармоғига жойлаган. Олдинлари ҳам иккита дўст ўзаро машғулотларни бирга ўтказиб туришган.

Топурия Монтесга мушт туширган вазият

Масалан, видеодан кўриш мумкинки, зарбалар аниқ Монтес манзили томонга бориб тушмаган ва шунчаки фақат ўша вазиятнинг кесилган видеосигина ОАВ'да тарқалди. Вазият қандай якун топгани ва Илия Топуриянинг келажаги қай тарзда якунлангани бўйича маълумотлар ҳалигача очиқланмади. Энг қизиғи, икки ошна орасидаги муносабат шу даражада зўрки, Монтес Топуриянинг ҳар битта жанги олдидан ўз ижтимоий тармоқлардаги аккаунтларига уни руҳлантирувчи постлар қўяди. Хусусан, Илиянинг Брайс Митчеллга қарши жангидан олдин Омар: "Биз бу ерга шунчаки келмаганимизни кўрсатиб қўй, оғайни!" - дея Эль Матадорни қўллаб-қувватлаганди. Воқеалар ривожини кузатамиз. Бу биз томонимиздан илгари сурилаётган бир версия, холос. Барчаси вақти келиб аён бўлса, ажабмас.