Даҳшатли сумма! ПСЖ Мбаппенинг нархини эълон қилди

"Пари Сен-Жермен" футболчиси Килиан Мбаппени сотиб олишни истаган клублар рўйхати кенгайиб бормоқда.

"The Telegraph" нашри парижликлар уни қўйиб юборишга розилигини маълум қилди. Фақатгина харидор жамоа ғазнасига 300-350 миллион евро атрофидаги маблағни ўтказиб бериши лозим.

"Килиан биз учун жуда ҳам қадрли. Унинг нархи 300-350 миллион еврони ташкил этади.

"Реал" унга биздан-да кўпроқ таклиф қилганди, аммо у Парижда қолишни маъқул кўрди. Бу кўп нарсадан далолат беради. Мбаппе ПСЖни пул учун танламади",-деди клуб вакили.

23 ёшли ҳужумчи 2018 йилдан бери парижликлар шарафини ҳимоя қилиб келмоқда.