Дам олиш кунлари "Барселона" хавбеки Туринда тиббий кўрикдан ўтади

"Барселона" ярим ҳимоячиси Артур Мело "Ювентус"га ўтишга яқин турибди.

RAC1 нашри маълумотига кўра, каталонияликлар тиббий кўрикдан ўтиш учун футболчига Туринга йўл олишига рухсат беришган.

Олдинроқ, "Барселона" ва "Ювентус" Артур ва Миралем Пьянични алмаштириш бўйича келишувга эришгани хабар қилинган эди.

Европа матбуотига кўра, Турин клуби испаниялик футболчининг трансфер учун Пьяничдан ташқари яна 10 миллион еврони Каталония клуби ҳисоб рақамига ўтказиб беради.