Дана Уайт кўз олдида ўзбек жангчиси ажойиб ғалабани қўлга киритди

  • 15 январь, 2021, 21:28
  • 0
  • MMA

Ҳозиргина БААнинг Абу-Даби шаҳрида  “UAE Warriors” промоушени томонидан ташкил этилаган жанг кечасида октагонга кўтарилган Авлиёхон Ҳамидов чиройли ғалабани қўлга киритди. У канадалик жиддий рақиб Луи Жордейн билан ажойиб уч раундни ўтказди. Раундлар мобайнида “тэйк-даун"лардан унумли фойдаланган юртдошимиз ҳақли ғалабани қўлга киритди.

Яна шуни таъкидлаб ўтиш лозимки, бу турнир UFCнинг енгил вазн тоифасидаги чемпиони Ҳабиб Нурмагомедовнинг отаси Абдулманап Нурмагомедов хотираси учун ўтказилади. Фахрий меҳмонлар - Ҳабиб Нурмагомедов ҳамда UFC промоушени президенти Дана Уайт ҳам ушбу жангни бевосита кузатиб борди.

Жаҳонгир Қорабоев шогирди Авлиёхон Ҳамидов фаолиятидаги 10-ғалабасини қўлга киритди. Шунингдек, уч мағлубият ва бир дуранг ҳам қайд этган. Аҳамиятлиси, Ҳамидов сўнгги 5 жангини ғалаба билан якунлаган. Канадалик жангчи эса, 7 бора жанг ўтказиб, уларнинг 5 тасида зафар қучган ва икки бор мағлубиятга учраган эди. Ушбу жанг унинг учун саккизинчиси ва учинчи мағлубияти бўлди.

Фикрлар

Фикр қолдириш учун авторизациядан ўтинг!