Дана Уайт: Кутинг! Коста ва Алискеров жанги сизга кафолатланган томошабопликни тақдим этади

UFC президенти Дана Уайт UFC 291: Poirier vs. Gaethje 2 турнирида ўзаро жанг қиладиган Пауло Коста (14-2) ва Икрам Алискеров (14-1) баҳсидан нималар кутишини айтиб ўтди:

"Ўйлашимча, бизнинг ташкилотда жанг қиладиган ҳар битта жангчи ўзининг уникаллиги билан ажралиб туради. Кимлар биландир осон, бошқалари билан эса қийин келиша оламиз. Барибир, бу бизнинг ишимиз ва унда турли барьерлар бўлади. Ва ниҳоят, биз Костани ҳам ушбу жангга кўндира олдик.

Албатта, "Боррачинья"ни яна октагонда кўриш жуда ажойиб. Ютада бўлиб ўтадиган ушбу турнир безаги, шубҳасиз, Коста-Алискеров жанги бўлади. Паулонинг сўнгги жангги Рокхолдга қарши урушга, олишувга айланиб кетганди. Ишонч билан айта оламанки, бу жангни жонли кўрган мухлислар ҳеч қачон уни унутмайдиган бўлишади." - дейди Дана ўз интервьюсида.

Эслатиб ўтамиз, Пауло Коста ва Икрам Алискеров жанги Ўзбекистон вақти билан 30-июль тонгида бўлиб ўтади.