Дана Уайт: "Оқ Уйда, бемалол, турнир ўтказа оламиз, фақат бир катта муаммо бор"

UFC раҳбари Дана Уайт Оқ Уйдаги ўтадиган турнирнинг ташкилотчилик масалалари ва унда юзага келиши мумкин бўлган муаммолар ҳақида гапириб ўтди.

"АҚШ президенти Дональд Трамп атиги икки кун аввал "Пушти боғ"ни очди ва мени кечки овқатга таклиф қилди. Бироқ у ерда шу қадар кўп пашшалар учиб юргандики, жин урсин, эслашни ҳам истамайман. Зиёфатдан сўнг самолётга ўтиришим биланоқ, тегишли ташкилотларга қўнғироқ қилиб, бу муаммони бартараф этиш кераклигини айтдим. Чунки очиқ ҳавода турнир ўтказганда майда деталларгача аҳамият бериш зарур.

Тасаввур қилинг, биз ўша куни барча прожекторларни ёқсак, қанча ёруғлик пайдо бўлади ҳамда унга қанча чивинлар, парвоналар ва яна Худо билади нималар учиб келади?! Спортчилар октагонда – жанг кетяпти, сенинг эса оғзингга, кўзингга пашшалар учиб киряпти", - деди Уайт "BoardroomTalks"га берган интерьюсида.

Эслатиб ўтамиз, Оқ Уйдаги турнир 14 июнь куни бўлиб ўтади.