Дани Алвес: “Бразилия "ЖЧ-2026"ни ютишни истаса, Неймар учун ўйнаши керак”

Бразилия терма жамоасининг собиқ футболчиси Дани Алвес миллий жамоанинг бўлажак Жаҳон чемпионатидаги имкониятлари ҳақида фикр билдирди.

"Агар Бразилия Жаҳон чемпионатида ғолиб чиқмоқчи бўлса, жамоа Неймар учун ўйнаши керак. Аргентина Мессининг кимлигини тушунганидан кейин чемпион бўлди ва барча ўйинни унга мослаштирди", — деди Алвес.

Аввалроқ Неймар жароҳат олгани ҳақида хабарлар тарқалган эди. Шунингдек, унинг мундиал қайдномасидан чиқариб ташланиши мумкинлиги ҳам айтилмоқда.

Маълумот учун, "пентакампеонлар" мундиалдаги илк учрашувини Марокашга қарши ўтказади.