Дастин Порье: "Ислам билан жангимиз муддатидан олдин якунланади"

Енгил вазн тоифаси жангчиси Дастин Порье дивизион чемпиони Ислам Махачев билан бўлажак тўқнашув ҳақида гапирди.

Дастиннинг фикрича, жанг тўлиқ давом этмайди:

"Махачев ҳар томонлама етук. Курашда ҳам, "стойка"да ҳам. У ҳар бир жангини эрта якунлашга интилади. Шунингдек, бизнинг тўқнашув ҳам тўлиқ давом этмайди. 

Якшанба куни қайси биримиздир йиқиламиз. Мен эса мана шундай шиддатли жангни қабул қилганимдан хурсандман", - деди Порье.

Эслатиб ўтамиз, якшанба тонгида "UFC302" турнири марказий жангида Ислам Махачев ва Дастин Порье енгил вазн тоифаси чемпионлиги учун октагонга чиқади.