Дастлабки 15 та турнинг 14 тасида ғалаба қозонган "Ювентус" бу борада ПСЖнинг рекордини такрорлади

Хабарингиз бор кеча Италия А Сериясининг 15-турида “Ювентус” ўз майдонида “Интер”ни қабул қилди ва Манжукичнинг ягона голи эвазига 1:0 ҳисобида ғалаба қозонди.

Эътиборлиси, туринликлар шу тариқа чемпионатнинг ўтган 15та туридан 14тасида зафар қучишди. Football Italia нашри тарқатган хабарга кўра “Юве” бу борада Европанинг кучли бешлик чемпионатларида ПСЖ томонидан ўрнатилган рекордни такрорлади.

Эслатиб ўтамиз, Массимиллиано Аллегри шогирдлари ҳозирда А Серияда иккинчи ўринда бораётган “Наполи”ни нақд 11 очкога ортда қолдирган ҳолда якка пешқадамлик қилишмоқда.

Фикрлар

Фикр қолдириш учун авторизациядан ўтинг!