Давид Де Хеа Эдвин Ван Дер Сарга етиб олди

Кеча "Манчестер Юнайтед" ва Испания терма жамоаси дарвозабони Давид Де Хеа "Вурверхэмптон"га қарши баҳсда ўзининг АПЛдаги 300-ўйинида майдонга тушди.

Унга кўра, Де Хеа ушбу ўйинлар давомида ўз дарвозасидан 307 та гол ўтказиб юбориб, 106 тасида қуруқ ўйин ўтказган.

Испаниялик кипер "қизил иблислар" либосида умумий ҳисобда 390 та учрашувда майдонга тушган. Уларнинг 135 тасида дарвозаси даҳлсизлигини сақлаб қолган.

Шундай қилиб, у қуруқ серия ўтказиш бўйича МЮ афсонаси Эдвин ван Дер Сар натижасига етиб олди. Нафақадаги голландиялик дарвозабон ҳисобида ҳам 315 та қуруқ ўйин мавжуд.

Рўйҳатни фахрий дарвозабон Петер Шмейхел 180 та ўйин билан бошқариб келмоқда, кучли учликни Алекс Степни 175 ва Гари Бейли 161 та қуруқ ўйин билан якунлаб беради.

Эслатиб ўтамиз, Де Хеа МЮ дарвозасини 2011-йилдан буён ҳимоя қилиб келмоқда. Жорий мавсум аввалида клуб у билан янги келишувга эришган.