Давид Сильва А Серия клубига кўчиб ўтиши мумкин

"Лацио" клуби "Манчестер Сити" билан шартномаси якунланган Давид Сильвага жиддий қизиқиш билдирмоқда. Бу ҳақда AS нашри хабар тарқатди.

Юқоридаги манбага кўра, 34 ёшли испаниялик футболчи римликлар билан дастлабки музокараларни ҳам ўтказишга улгурган. Таъкидлаш керакки, эркин агент ҳисобланган Сильвага "Валенсия" ва "Интер Майами" клубларидан ҳам таклифлар бор.

Давид Сильва 2010 йилдан буён “Манчестер Сити” шарафини ҳимоя қилиб келмоқда. У ўтган давр мобайнида 434 та ўйинда майдонга тушди ва ўз ҳисобига 77 та гол ҳамда 140 та голли узатмага муаллифлик қилди.