Даврон Файзиев: Бу ёлғон хабар
"SPORTS.uz ҳафтаси" кўрсатувининг навбатдаги сони тақдим этилмоқда. Сиз ушбу сонда Ўзбекистон миллий терма жамоаси ўйинларига якуний фикрлар, хулоса, Маурисио Почеттино, Жозе Моуриньо ва бошқа мавзулар борасида Даврон Файзиев ўз фикрларини билдириб ўтди.
Таниқли шарҳловчи Маурисио Почеттино борасида сўз юритар экан унинг истеъфосидан ҳафа эканлиги ва унинг сабаблари борлигига эътибор қаратди.
- Маурисио Почеттинонинг бўшатилиши мени ранжитди. Чунки бу мураббийни ўртача даражадан финалга чиқишига қадар синчковлик билан кузатиб борганман. Катта кўламдаги ишни бажарди. Зўр мутахассис. Кетишига асослари йўқ эди. Бироқ ўзим учун хулоса қилган ҳолда шуни айтишим мумкинки, Маурисио Почеттино бошланғич синф ўқитувчиси. Почеттино бу даражадаги мураббийлардан кам эмас, хатто оғирроқ ҳам. Ўқиш, ёзиш, чизиш, тарбияга ҳам эътибор бера оладиган бошланғич синф ўқитувчиси. Шу нарса мураббий томонидан “Тоттенхэм”да амалга оширилди. Лекин бу ўқитувчи қанчалик зўр бўлмасин, синф унга қанчалик ўрганмасин, “Тоттенхэм” футболчилари уни қанчалик яхши кўришмасин, болаларнинг ота-оналари уни қанчалик хурмат қилмасин, ўша синф 4-синфни битирганидан кейин боласидек бўлиб қолган жамоани юқори синфга қўйиб юборади. Нега? Чунки уларга энди бошқачароқ ёндошув талаб этилади ва синф юбори босқичга кўтарилади. Бу бекорга ўйлаб топилмаган. Бу воқеа “Тоттенхэм”да ҳам рўй берди.
Маурисио Почеттино “шпорлар”ни бошланғич синфдан ўтказиб олди. Клуб раҳбарлари ўйлаяптики, энди бизга совринлар керак, унга мосроқ бўлган мураббий билан бирга борамиз. Яъни Почеттино кучсиз эмас. Шунчаки у бошқачароқ услубда ишлайдиган мураббий. Клуб раҳбарлари Моуриньога совринлар келтирадиган инсон сифатида қарашмоқда.
Бошланғич синф ўқитувчисига “Реал”дек катта жамоа нега қизиқмоқда? Бу ёлғон хабар. Бунга ишонмайман. Зиданнинг ўрнига Почеттинони олиб келиш бу – аҳмоқлик, - деди Даврон Файзиев.
Фикрлар