Даврон Файзиев Бухорода!

Кеча хабар берганимиздек, “Бухоро” клубида ўзгариш юз бермоқда. Бош мураббий Жамшид Саидов истеъфога чиқди. Унинг ўрнини жиззахлик мутахассис Даврон Файзиев эгаллагани айтилганди. Шунингдек, раҳбариятда ҳам ўзгариш кузатилган бўлиб, клуб бош директори Алишер Рустамовнинг ўрнини Жамол Алимов эгаллади. 

Sports.uz сайтига маълум бўлишича, мураббий режага кўра, бугун Бухорога етиб келган. Лекин Даврон Файзиевнинг сайтимизга айтишича, ҳали клуб раҳбарлари билан учрашмаган.

Аммо яқин соатларда “Бухоро” мутасаддилари билан учрашишини айтди. Айни пайтда мураббий шаҳардаги меҳмонхоналардан бирида бўлиб турибди.

Шуни ҳам эслатиб қўймоқчимизки, Файзиев ҳозирча “Қўқон-1912”ни расман тарк этгани йўқ. Катта эҳтимол билан бугун бўлиб ўтадиган учрашувдан кейин барчаси расман ойдинлашади.