Даврон Файзиев: "Челси" янги мураббий келганда доимгидек очилиб бормоқда
Таниқли шарҳловчи ўтган тур АПЛдаги марказий ўйиннинг натижаси ҳақида гапирди
АПЛ доирасидаги 22-турдан ўрин олган "Тоттенхэм" - "Челси" баҳсида "кўклар" 1:0 ҳисобида зафар қучишди. "Аристократлар"нинг янги устози Томас Тухель жамоага яхши киришиб кетгандек.
Таниқли шарҳловчи Даврон Файзиев телеграмдаги саҳифасида "Челси"нинг ғалабаси ва "Тоттенхэм"нинг чемпионлик пойгасидан узоқлашишига эътибор қаратди.
- "Челси" янги мураббий келганда доимгидек очилиб бормоқда. Томас Тухель жиддий ғалабага эришди. Меҳмонда "Тоттенхэм"ни ютди. Жозе Моуриньо жамоаси тобора чемпионлик пойгасидан узоқлашиб кетмоқда. "Тоттенхэм"ни Чемпионлар лигаси зонасидан ҳам туртиб чиқаришди. Кечаги мағлубиятнинг Моур учун энг ёмон томони, у фаолиятида биринчи марта кетма-кет иккита уй учрашувини ютқазди, - деди Даврон Файзиев.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар