Даврон Файзиев Манчестер қандай рангдалиги, дербида яққон фаворит йўқлиги, АПЛ грандларига ютқазмаган ягона жамоа борасида тўхталди

Бугун Англия чемпионати 16-туридан ўрин олган "Манчестер Сити" - "Манчестер Юнайтед" учрашуви ўтказилади.

Ушбу баҳс "Узрепорт ТВ" орқали жонли эфирда намойиш этилади. Ўйин Тошкент вақти билан 22:30да старт олади. Беллашувни эса Даврон Файзиев шарҳлаб боради. Бу ҳақда шарҳловчининг ўзи телеграмдаги саҳифаси орқали маълум қилди.

mc-2

Шунингдек, Даврон Файзиев дербида яққол фаворит йўқлиги борасида тўхталди.

Манчестер қандай рангда? Мовий? Охирги мавсумлар шундай эди. Бугунчи? Шошманг фикр билдиришга, айниқса жадвалдаги 11 очко фарқни кўриб ёки Гвардиола Ситисининг шаҳарда сўнгги гегемонлигини эслаб. "Қизиллар" бу мавсум бирорта ТОП клубга ютқазмади. "Ливерпул"дан очко олган ягона жамоа. "Челси"ни йирик ютган. Моуриньюнинг "Тоттенхэм"ига биринчи мағлубият мазасини татиб кўришга берди. Учар "Лестер"дан 3 очкони суғуриб олган. "Арсенал" осон қутилган, дурангга рози бўлиб. Қизил Манчестерга дуч келмаган ягона фаворит қолди. Ҳа, "Сити".

Ана энди яна ўша савол. Ҳўш, Манчестер қандай рангда?

Бу сафарги яққол фаворитсиз дербини ўтказиб юборманг, - деди учрашув шарҳловчиси.