Даврон Файзиев: “Реал Мадрид” клуби “эл-класико”да ҳам шундай ўйнайдими? Мана бу жиддий савол

ЕЧЛ гуруҳ босқичи 1-турида “Реал” ўз уйида “Шахтёр”га имкониятни бой берди – 2:3. Ушбу баҳсда украиналиклар биринчи таймнинг ўзида мадридликлар дарвозасига 3 та гол урди. Мезбонлар эса, 2 бор жавоб қайтарди, бироқ бу дурангга ҳам камлик қилди.

Ушбу беллашув натижасидан сўнг, кўпчиликда "Зинедин Зидан “Шахтёр”га қарши ўйинни “эл-класико” олдидан қурбон қилдими?", деган савол пайдо бўлди. Бунга жавоб топиш мақсадида таниқли шарҳловчи Даврон Файзиевга мурожаат қилдик. У SPORTS.uz сайтининг “Youtube”даги лойиҳасида қуйидагича жавоб берди.

"Эл-класико" олдидан Зинедин Зидан иштирокидаги матбуот анжумани

4861570110120

"Реал"нинг "Барселона"га қарши ўйин учун қайдномаси. Зидан қайси футболчиларни "эл-класико"га жалб қилди? (Фото)

“Реал” даражасидаги клуб ва айниқса, ўзининг севимли турнири – ЕЧЛдаги ўйинни шунчаки бой бериб қўйишига ишонмайман. Лекин кайфиятга таъсир қилган. “Шахтёр” меҳмонга келмоқда, 8 футболчиси коронавирусга чалиниб, уйда қолган, таркибдаги ярми нотаниш ўйинчилар, табиийки “Реал” ўзини қиролдек тутди. Ўйинни биринчи таймдаёқ ютиб қўямиз, келинглар кучни “эл-класико”га тежаймиз, деган норасмий кайфият таъсир қилди. Зидан футболчиларни майдонга туширишдан аввал шогирдларига муҳими жароҳат олманглар, ютқазсанглар ҳам майли, демайди. Бу аҳмоқнинг гапи бўлади. Аммо ҳамма ич-ичидан шуни ҳис этди. Иккинчи таймда “Қироллик клуби” ўзига келди. Иккита гол урди, камбэкка бир қадам қолди. Битта голини ҳисоблашмади.

Иккинчи 45 дақиқаликда “Реал” ҳақиқий кучи билан ўйнади. Биринчи бўлимда эса рақибни менсимаслик кайфияти бор эди. Бу қурбонлик эмас, шунчаки мотивация етишмаслиги. Бунда табиийки Зиданнинг ҳам айби бор. Мана шу ўйин биз учун финал, деган нарсани охиригача сингдира олмаган. Оқибатда “Реал” Зидан давридаги энг заиф биринчи таймни ўтказди.

Зидан "эл-класико"да жамоанинг асосий футболчиси иштирок этиши масаласига ойдинлик киритди

7abf6a5d08e74e84faad6c9b6cfec5f4

“Реал” клуби “эл-класико”да ҳам шундай ўйнайдими? Мана бу жиддий савол. Бу учрашувда жамоалар қайси поғонадалигидан қатъий назар ҳаёт-мамот жанги сифатида майдонга тушади. Ҳамма футболчилар ўйиннинг даражасини тушуниб турибди, - деди Даврон Файзиев SPORTS.uz сайтининг лойиҳасида.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
Sash
24/10/2020 08:47
Buni fikri bir tinga qimmat. Bugungi uchrashuvni sharhlamasa buldi.

Минбар

Барча блоглар