Де Росси қайси жамоани бошқаришни хоҳлайди?

"Рома" клуби ва Италия терма жамоаси собиқ ярим ҳимоячиси Даниэле Де Росси келажакда "Фиорентина"ни бошқаришни орзу қилишини айтди.

“Мен мураббийлик лицензиясини олишга жуда яқинман. Иложи борича тезроқ мураббийлик лавозимини эгаллашга умид қиламан. Мен “Фиорентина”ни бошқаришни истардим. Умуман олганда, А Сериянинг исталган жамоаси мен учун ажойиб старт бўларди”, - дейди Де Росси.

Де Росси “Рома” тарбияланувчиси ҳисобланади. У “бўрилар” сафида 2002-2019 йилларда тўп сурган. Сўнгги жамоаси эса, Аргентинанинг “Бока Хуниорс” клуби бўлди.