Де Хеа: Нега "Арсенал" дам олганда, биз ўйнашимиз керак?

"Манчестер Юнайтед" дарвозабони Давид де Хеа ўйинлар тақвимидан норози эканлигини маълум қилди.

Эслатиб ўтамиз, “қизил иблислар” кеча АПЛнинг 7-тур қолдирилган баҳси доирасида меҳмонда “Кристал Пэлас”га қарши баҳс олиб боришди ва 1:1 ҳисобида дуранг қайд этишди. Энди улар якшанба куни турнир жадвалида пешқадамлик қилаётган “Арсенал” меҳмони бўлади. Айтиш керакки, "канонирлар" олдинги ўйинини 15 январ куни ўтказишди ("Тоттенхем" устидан 2:0 ҳисобида ғалаба қозонишди).

"Мен "Арсенал" нима учун ўйнамаслигини тушунмаяпман. Улар дам олаётганда биз қўшимча ўйин ўтказдик”, - деди испаниялик футболчи Sky Sport нашрига берган интервьюсида.

У шунингдек, жамоадоши Каземиронинг сариқ карточкалари туфайли олган дисквалификацияси ҳақида ҳам гапириб ўтди: Каземирони йўқотиш катта зарба. Энди асосий ўйинда энг яхши футболчиларимизсиз ўйнашга мажбурмиз.