De Yongning "Manchester Yunayted"ga o‘tishiga kim to‘sqinlik qilayotgani ma’lum bo‘ldi

“Barselona” klubi yarim himoyachisi Frenki de Yong “Manchester Yunayted” bilan kelishuvga erishganiga qaramay, hali mankunianliklar safiga o‘tgani yo‘q. Ushbu transferga to‘sqinlik qilayotgan asosiy inson niderlandiyalik futbolchining agenti hisoblanadi.

Sport.es nashrining xabar berishicha, de Yongning vakili “qizil iblislar”dan mijozining boshini aylantirishni bas qilishni so‘radi. Chunki, agent mijozining faoliyatini “Barsa” tarkibida davom ettirishini xohlaydi.

Eslatib o‘tamiz, de Yongning Kataloniya grandi bilan tuzilgan mehnat shartnomasi 2026 yilning yozigacha amal qiladi. U o‘tgan mavsum La Ligada 32 ta o‘yinda maydonga tushib, 3 ta gol urdi va 3 ta golga assistentlik qildi.