"Челси" ҳужумчисининг голсиз серияси 25 та ўйинга етди

"Челси" ҳужумчиси Лиам Делап гол ура олмаётган ўйинлар сериясини давом эттирмоқда.

23 ёшли футболчи “Тоттенхэм”га қарши баҳсни асосий таркибда бошлади ва жамоасининг 2:1 ҳисобидаги ғалабасига ёрдам берди. Бироқ у яна рақиб дарвозасини ишғол эта олмади.

Шу тариқа, англиялик ҳужумчининг барча мусобақалардаги голсиз серияси 25 та ўйинга етди. Делап сўнгги марта январь ойи бошида “Фулхэм”га қарши учрашувда гол урган эди.

Футболчи ўтган ёзда "Ипсвич"дан "Челси"га 35,5 миллион евро эвазига кўчиб ўтган. ОАВда тарқалаётган хабарларга кўра, жорий мавсум унинг лондон клубидаги ягона мавсуми бўлиши мумкин.

“Челси” АПЛ сўнгги турида 24 май куни меҳмонда “Сандерленд”га қарши майдонга тушади.