Дембеле АПЛ клубига ўтадиган бўлди

"Барселона" ҳужумчиси Усмон Дембеле эркин агент сифатида "Челси"га ўтиши мумкин. Аввалроқ, футболчи Каталония клуби билан шартномани узайтирмаслиги ҳақида хабар берилганди.

“Daily Mail” нашри хабарига кўра, 25 ёшли ҳужумчи "Барселона" билан шартнома имзоламайди ва шу ойда шартномаси якунлангач, жамоани тарк этади. Футболчи эркин агент сифатида Лондоннинг "Челси"сига ўтишга яқин турибди.

Шунингдек, Усмонга ПСЖ ҳам қизиқиш билдираётгани ҳақида миш-мишлар тарқалган эди.

2021/22 йилги мавсумда франциялик ҳужумчи каталонияликлар сафида барча мусобақаларда 32 та ўйинда майдонга тушиб, ўз ҳисобига 2 та гол ва 13 ассистни ёздириб қўйган. 

"Барселона" ўтган мавсумда Ла Лигада 38 турдан кейин 73 очко билан 2-ўринни эгаллади. “Челси” эса якунига етган АПЛда 38 ўйинда 74 очко тўплаб, 3-ўринни эгаллади.