Dembele Frantsiya terma jamoasi safida rasmiy o‘yinlardagi ilk golini qo‘shnilarimizga urdi

"Barselona" hujumchisi Usmon Dembele kecha “JCh-2022” saralashining 2-turida Qozog‘istonga (2:0) qarshi o‘yinda raqib darvozasini ishg‘ol qildi.

E’tiborlisi, bu 23 yoshli futbolchi uchun Frantsiya terma jamoasida rasmiy o‘yinlarda kiritgan ilk goli bo‘ldi. Bungacha Dembele 23 ta o‘yinda maydonga tushgan va o‘rtoqlik o‘yinida 2 ta gol urishga erishgan edi.

Dembele joriy mavsum "Barselona"da 35 ta o‘yin o‘tkazdi va o‘z hisobiga 9 ta gol hamda 4 ta golli uzatma yozdirib qo‘ydi. Uning kataloniyaliklar bilan amaldagi shartnomasi 2022 yilga qadar imzolangan.