Дембеле "Ливерпуль"нинг таклифини рад этди

"Барселона" форварди Усмон Дембеле "Ливерпуль"дан бўлган таклифни рад этди. Бу ҳақда италиялик журналист Жанлука Ди Марцио хабар тарқатмоқда.

Юқоридаги манбага кўра, мерсисайдликлар 23 ёшли французни кейинчалик сотиб олиш ҳуқуқи билан ижарага олишмоқчи эди. Аммо, Усмон Каталонияда қолишни хоҳлаган. Унга шунингдек, “Ювентус”дан ҳам қизиқишлар мавжуд.

Дембеле жорий мавсум “Барселона” сафида 9 та ўйинда майдонга тушди ва 1 та гол урди. У ҳозир жароҳатидан даволанмоқда. У августда сафга қайтиши кутилмоқда.