Дембеле ўз ишига масъулият билан ёндашади

"Барселона"нинг франциялик ҳужумчиси Усмон Дембеле Испания чемпионати навбатдаги тури доирасида «Эспаньол»га қарши ўйинда майдонга тушмоқчи.

Cope.es хабарига кўра, француз футболчиси жаҳон чемпионатидан кейин Каталония клубида машғулотларни бошлаш учун бир неча кун аввал таътилдан қайтган.

Ҳозир Дембеле умумий гуруҳда шуғулланмоқда ва "Эспаньол"га қарши ўйинда "кўк-анорранглилар"га ёрдам беришга шай. Ушбу учрашув 31 декабрь куни бўлиб ўтади.

Эслатиб ўтамиз, жорий мавсум Усмон Дембеле Испания чемпионатида 14 та учрашув ўтказиб, 4 та гол урди ва 5 та голли узатмани амалга оширди.