Дембеле ПСЖга ўтса, "Барса"га қайси ҳужумчи келиши маълум

"Барселона"нинг франциялик ҳужумчиси Усмон Дембеле жорий қишки трансферлар даврида Мауро Икарди эвазига ПСЖга ўтиши мумкин, деб хабар бермоқда Marca.

Манбага кўра, Каталония клуби Дембеле учун 20 миллион евро талаб қилмоқда, шу боис парижликлар ушбу келишувга Икардини қўшишни таклиф қилмоқда.

Эслатиб ўтамиз, Икарди “Барселона” тарбияланувчиси ҳисобланади, бироқ у 19 ёшида клубни тарк этган.

28 ёшли Икарди жорий мавсум ПСЖ сафида 23 та ўйинда майдонга тушиб, 5 та гол уришга эришди. 24 ёшли Дембеле “Барселона” сафида 11 та ўйинда майдонга тушиб, 1 та гол ва 2 та голли узатмага муаллифлик қилган.