Dembele "Real"ga qarshi o‘yinda jamoasiga yordam bera oladimi?

Kataloniyaning "Barselona" klubi vingeri Usmon Dembele 19-martda bo‘lib o‘tadigan "Real"ga qarshi Ispaniya chempionatining 26-tur uchrashuvida jamoasiga yordam bera olmaydi.

"RAC 1" nashri xabariga ko‘ra, frantsiyalik futbolchi La Liganing 19-turida "Jirona"ga qarshi uchrashuvda olgan jarohatidan forig‘ bo‘lishga ulgurmaydi.

Dembele joriy mavsumda 18 ta o‘yinda maydonga tushib, 5 ta gol urdi va 5 marotaba sheriklariga samarali uzatma amalga oshirdi.

La Liganing 24-turi natijalariga ko‘ra, "Barselona" 62 ochko bilan turnir jadvalida peshqadamlik qilmoqda. Xavi shogirdlari ikkinchi o‘rindagi "Real"dan 9 ochko oldinda bormoqda.