Дэниел Кормье UFCда ўз дебютини кутаётган ҳамюртига насиҳат қилди

UFCнинг икки карра собиқ чемпиони Дэниел Кормье UFCда ўрта вазн тоифасида иштирок этаётган жангчи Бо Никалнинг сўзларига муносабат билдирди.

Таъкидлаш керакки, UFC промоушенида дебют жангини кутаётган америкалик жангчи Ҳамзат Чимаевга қарши жанг ўтказиш истагини билдирмоқда.

“У Ҳамзат Чимаевга “чақирув” ташлайдими? Мен ўзига ишонган жангчиларни яхши кўраман, лекин Бо ўзини босиб олиши керак. Никал менинг бу гапларимга эътибор қилмаслиги мумкин, аммо Чимаев унинг учун жуда ҳам кучлилик қилади.

Албатта, келажакда бу жанг бўлиши мумкин, аммо ҳозир Бо ўз устида қаттиқ ишлаш керак”, — деди Кормье.