Деонтей Уайлдерга ниҳоят рақиб топилди

Супер оғир вазн тоифасида WBC чемпионлик камари соҳиби Деонтей Уайлдернинг промоутери Шелли Финкель Доминик Бризил билан бўладиган жанг борасида томонлар келишиб бўлганлигини маълум қилди.

– Биз музокараларнинг ҳал қилувчи палласида турибмиз. Ўйлайманки, барчаси тез орада маълум қилинади. Режага кўра, шартнома кейинги ҳафта имзоланади.

– Ҳозир жамоамиз баъзи шартларни муҳокама қилмоқда. Бризил – Уайлдер учун муносиб рақиб деб ўйлайман. Ҳар томонлама рақобат қила оладиган боксчи, – дея Финкелнинг сўзларини келтиради Boxing Scene нашри.

Эслатиб ўтамиз, аввалига америкалик боксчи Тайсон Фьюри билан реванш жанг ўтказиши керак эди, бироқ британиялик боксчи жангни иштирок этишдан бош тортди.