Depay Messiga etib oldi

Lionel Messi 2021 yilda klub va terma jamoa uchun 40 ta gol urdi va 14 ta golli uzatmani amalga oshirdi. Uning gol+pass tizimida to‘plagan ochkosi 54 tani tashkil etmoqda. 

Qizig‘i, Chernogoriyaga qarshi o‘yinda Niderlandiya safida dubl qayd etgan Memfis Depay gol urish bo‘yicha Messiga etib oldi. 

Bundan tashqari, u 2021 yilda Niderlandiya terma jamoasi safida 16 bor raqiblar darvozasini ishg‘ol etib, Patrik Klyuyvertning rekordini yangiladi. 

Qayd etish joiz, mazkur natijaga erishgan futbolchi "Oltin to‘p" da’vogarlarining 30 talik ro‘yxatiga kiritilmadi.