Дешам: "Мбаппе терма жамоани бирлаштира оладиган ажойиб лидер"

Франция терма жамоаси бош мураббийи Дидье Дешам Килиан Мбаппенинг жамоадаги ўрни ва аҳамияти ҳақида фикр билдирди. Ҳужумчи Украинaга қарши ЖЧ–2026 саралаш учрашувида (4:0) дубль ва бир ассист қайд этди.

"Унда ҳаммаси яхши. У яна жисмонан ҳам, руҳий ҳолати билан ҳам юқори формага қайтди. Сардорликни олганидан бери ўз ишини жуда яхши бажаряпти. У фақатгина ажойиб футболчи эмас, балки бутун жамоани бирлаштира олади. Бу – унинг етакчилик қобилиятларидан бир қисми. У эшитарди, ўрганарди.

Франция терма жамоаси у таркибда бўлганида ҳар доим кучлироқ бўлади. У бизга вазифаларни енгиллаштириб беради. Бугун у ҳам футболчи сифатида, ҳам капитан сифатида барчасини аъло даражада бажарди", – деди Дешам.