Дешамга кейинги йирик турнир олдидан имконият берилади

Франция бош мураббийи Дидье Дешам ЖЧ-2022дан кейин ҳам жамоа билан ишлашда давом этади. Le Parisien хабарига кўра, Франция футбол федерацияси мутахассис билан шартномани яна икки йилга, Евро-2024га қадар узайтиришни режа қилган.

Маълумот учун, Дешам "уч ранглилар"ни 2012 йилдан буён бошқариб келмоқда. 54 ёшли франциялик мутахассиснинг амалдаги шартномаси 2022 йилнинг декабрь ойи охирида якунига етади. Бироқ раҳбарият унга бўлажак Европа чемпионатида ҳам ишонч билдирмоқчи.

Эслатиб ўтамиз, 2022 йилги жаҳон чемпионатида Франция ярим финалга чиқишни уддалади ва бу босқичда бугун 14 декабрь куни Марокаш билан куч синашади.