Ди Мария: Ниҳоят, мухлисларнинг меҳрини ҳис қилдим

"Ювентус"нинг ҳужумкор ярим ҳимоячиси Анхель ди Мария келажак фаолияти ҳақида фикр билдирди. Таъкидлаш лозимки, 35 ёшли аргентиналик футболчининг “кекса синьора” билан амалдаги шартномаси жорий мавсум охиригача мўлжалланган.

“Биз [янги шартнома ҳақида] гаплашяпмиз. Мен бу ерда бахтлиман. Ниҳоят, оғир стартдан сўнг мухлисларнинг меҳрини ҳис қилдим”, — деди ди Мария.

Ди Мария жорий мавсум “Ювентус” сафида жами 27 та ўйин ўтказди ва 8 та гол ҳамда 7 та голли узатмага муаллифлик қилди.

Трансфермаркт портали экспертлари Анхель ди Марияни айни дамда 10 миллион еврога баҳоланмоқда.