Di Mariyaning qarori PSJni shokka tushirdi

Argentinalik yarim himoyachi Anxel Di Mariya  PSJ rahbariyati taklif qilgan yangi shartnomani imzolashdan bosh tortdi. Parijliklar jamoa etakchilari – Neymar, Mbappe va Anxel di Mariya bilan yangi bitim tuzishni rejalashtirgan edi.

32 yoshli hujumkor futbolchi yozda boshqa jamoaga o‘tishni maqsad qilgan. U yaqinda murabbiy shtabi unga nisbatan adolatsizlik qilayotganini, Neymar va Mbappedan yaxshi o‘ynagan taqdirda ham zaxiraga olayotganini aytib, rahbariyatni tanqid qilgandi.

Di Mariyaning erkin agentga aylanishini inobatga olgan “Yuventus”, “Inter” va “Napoli” uni o‘z safiga chorlab, uzoq muddatli shartnoma taklif qilishga tayyorligini bildiryapti.