Диаз бир шарт билан UFC га қайтади !!!

Америкалик ММА жангчиси Нэйт Диаз(21-13)нинг мураббийи Сезар Грейси, агар каттароқ молиявий таклиф тушса, шогирди UFC га қайтишини маълум қилди.

 "Миллион долларлик таклиф керак !!! Лига ўзининг энг яхши юлдузларига қанча пул тўлайди?! Нэйт - бу спортнинг ҳақиқий тимсоли. У ҳамма нарсага лойиқ. У ҳамма нарсага машаққатли меҳнати орқали эришган. Диаз ниҳоятда машҳур. Масалан, унинг Масвидаль билан жанги учун барча чипталар тезда сотилди. Нима учун?! Мухлислар фақат Нэйтни кўриш учун шундай қилишди", - деб Грейсидан иқтибос келтиради ММА Mania.

Эслатиб ўтамиз, ўтган дам олиш кунларида Диас боксда Хорхе Масвидални мағлуб этди.