Дибала Америка кубогида иштирок этмайди

"Ювентус" клуби форварди Пауло Дибала катта эҳтимол билан Аргентина терма жамоаси сафида Америка кубогида иштирок этмайди.

TNT Sports тарқатган хабарга кўра “альбасетлар” мураббийлар штаби 25 ёшли футболчини туринликлар сафида муваффақиятсиз мавсум ўтказгани учун таркибга киритмасликка қарор қилишган.

Маълумот учун, Дибала жорий мавсум “Ювентус” сафида жами 40та ўйинда майдонга тушди ва ўз ҳисобига 10та гол ҳамда 6та голли узатма ёздириб қўйишга эришди.